Управувањето на човечките ресурси претставува релативно нова гранка која допрва ќе го доживее својот сјај. Земајќи ја предвид нејзината сеопфатност во одговорности, претставува поднебје во кое професионалци од повеќе позадини, како правна, психолошка, економска и лингвистичка, можат да го најдат своето автентично место, да придонесат за развој на бизнисот и да го остават својот личен потпис при развој на целата индустрија. Познавањето на целокупната дејност, со цел градење на автентичниот кариерен пат, е од огромно значење за секој професионалец кој својот развој го гледа во оваа област.  

Овој настан е воведно предавање за разновидноста, сеопфатноста и важноста на  HR секторот во бизнис сферата на дејствување. Преку претставување на успешни приказни и интерактивно вклучување на учесниците во градење на идејата за сопствениот кариерен пат во HR, ќе направиме проекција за насоката на движење на HR индустријата во иднината, како и важноста и моќта на личниот печат на секој професионалец во таа глобална промена.