Kaggle Натпреварувањата се најчесто организирани од компании кои сакаат да ги подобрат своите продукти или услуги, преку кои инжинерите и научниците се среќаваат со вистински проблеми на кои се работи во индустријата. Наградните фондови се до неколку десетици илјади долари, меѓутоа уште поважно е искуството и можноста да се дојде до интервју доколку учесниците имаат добри резултати. Досега се организирани стотици натпреварувања на Kaggle, од кои многу имале значително влијание во решавањето на разни проблеми или подобрување на постоечки продукти. Пример за ова се Microsoft кои преку едно натпреварување го подобрија системот за детектирање на гестикулации и движења на Microsoft Kinnect или Merck кои го усовршија процесот на предвидување на биолошката активност на разни молекули со цел за подобар развој на нови лекови.
На ова предавање нашиот инструктор Игор Трпевски ќе демонстрира кои се чекорите кои најчесто треба да се направат за да се стигне до добар резултат на еден Kaggle натпревар како: feature pre-processing and engineering, Metric and hyperparameter optimization како и model ensembling.
