IT секторот нуди најперспективни и најплатени кариери со сигурна иднина, бидејќи способноста да се искодираат веб платформи, апликации и страници е несомнено една од најдобрите вештини што може да ја видиш во денешниот свет. Да го потврдиме ова, ќе се навратиме историски наназад во развојот на веб и на технологиите соодветно.

За време на ова предавање ќе научиш повеќе за почетоците на веб, со Бојан ќе ги објасните основните технологии за изработка на веб страници – HTML и CSS, нивниот развој и верзии низ годините. Акцент ќе се стави и на големиот breakpoint кога светот се префрли од десктоп на мобилен, а со тоа и се појави потреба вебот да се направи респонзивен. Не знаеш што е респонзивност на една веб страница? – Ќе дознаеш, без грижи.

Покрај горенаведеното, Бојан ќе ве запознае и со JavaScript, програмски јазик за фронт-енд и еднаш засекогаш ќе ја реши дилемата што е Java, а што JavaScript, термини што веќе 30 години предизвикуваат конфузија кај почетниците во програмирање.